Malaman design

Spazio offerto da
JLB Books s.a.s.

 

- Articolo -

Anca me nono l’era
en Kaiserjäger de quel altra banda

VAL DE PRIMIER. Ledhe sul Alto Adige de encoi (26/8) quel che ha scrit Ivan Lezuo.

Anca se no parle el ladhin fa voialtri ho capì ben de quel che’l parla: la nosa storia i la ha remenada fin che basta e oramai son in pochi (ma boni) a recordarse e a far recordar onde che arene e chi che arene (in quale situazione ci trovavamo e a quale nazione appartenevamo) ante el 1918. Nisuni i vol tornar indrio, oramai l’é pasa così tanti ani, ma se me nono l’era en Kaiserjäger, se tanti de la me val i è morti in Galizia, se tanti de la me val i è ndati dho a Isernia estra che a Mitterndorf (sono stati internati in Isernia oltre che in Mitterndorf), l’è sol parché arene de quel altra banda. La val de Primier i nosi (l’esercito austro-ungarico) i la ha moladha subito par tirarse sul Colbricon e sul Cauriol: son cosita stati te le petole (nei guai), ma quando che l’e capità Caporetto a Primier l’è torna fora le bandiere dela patria (quela de alora).
Come che dighe cheno i vegne fora a s’cionarmela dela guera de liberazion: 600.000 morti del regno de Italia i me par masa par la “redenzion” de Trent e Trieste; altri i interesi! Mi son nasest in Italia come me pare e son “cittadino italiano”, ma no me desmenteghe quel che l’é stat e sto tant ghe l’ho insegnà a mè fioi. Avon pers la guera alora, zhercon de non perder anca la memoria.
Sani.

Fabio Longo de Primier
(Presidente del Centro Studi Storici - Primiero)

Vd. “Corriere delle Alpi”, Plata di Ladins, 2 settembre 2003, pag. 28
“Anca me nono l’era en Kaiserjäger de quel altra banda”